کەهرەبای گەرمیان: پڕۆژەیەلمان لە خانەقین لە ساڵ ٢٠١٧ تەواو بوینە
شەفەق نیوز/ وەڕێەوبەرایەتی کارەبای یەکەی گەرمیان، ئمڕوو چوارشەممە، وسیان پڕۆژەیل هەرێم کوردستان لە ساڵ ٢٠١٧ەو راگەیان، لەوەر هووکار و رەوشەیلیگ جیاجیا، و هەمیش دیاری کرد ک ئیرنگە ئەرکی تەنیا لەبان خاسەوکردن و وەکارخستن مەنیە.
حازم کەریم حەمید وەڕیەوبەر فەرمانگەگە ئەرا ئاژانس شەفەق نیوز وت: پڕۆژەیەلمان لە خانەقین لە ساڵ ٢٠١٧ تەواو بوینە، لەوەر رەوش ئابووری لە هەرێم کوردستان و رویداوەیل قەزاگە وچەن ناوچەیگ، و دیاری کرد ک ئەرک کارەبای خانەقین سەروە هەرێم کوردستان تەنیا لەبان مەفرەزەیل خاسەوکردن و وەکارخستن مەنیە.
دووپات کرد ک هەماهەنگییگ ناوبەین دوو فەرمانگەیل کارەبای خانەقین لایەن دیالە وکوردستان هەس، وتیش: کارەبای کوردستان وەرجە ساڵ ٢٠١٧ سێ ویستگەی دویەمی لە خانەقین دانا، و چەن پڕۆژەیگ جیوەجی کرد.
حەمید وتیش: فەرمانگەگەی چەن پڕۆژەیگ لە ناحیەی قورەتوو و مەیدان لە دەورگرد خانەقین جیوەجی کرد، زاقتریان داناین ویستگەی کارەبای دویەمی (AMB ) وکیشانن ٤ محەولە ئەرا ئاوایەیل قورەتوو وەبایی ٢٠٠ مەلیۆن دینار، وهەمیش پڕۆژەیل خاسەوکردن لە مەیدان و قورەتوو وە ٥٠٠ مەلیۆن دینار.
