هاوپەیمان ناودەوڵەتی ئامێرەیل سەربازی نوو دەێدە پێشمەرگە
شەفەق نیوز/ هاوپەیمان ناودەوڵەتی دژوە ریخریاگ داعش لە عراق و سوریا، ئمڕوو چوارشەممە، لە پارێزگای هەولێر پایتەخت هەرێم کوردستان رسوومەیل پێشکەشکردن ئامێرەیل سەربازی وە پێشمەرگە وەڕیەو برد.
لەپشت رسوومەیلە عەمید هۆشمەند حەیدەر جیگر دەزگای ئەرکان پێشمەرگە، لە کۆنگرەیگ رۆژنامەوانی هاوبەش وەگەرد هاوپەیمانی وت: ئەو ئامێرەیلە ک لە هاوپەیمان ناودەوڵەتی پێشکەش کریانە لە ئامێرەیل سەربازی هاناویان جوور هەمەر و ماشین فریاکەفتن و تانکەر و بلدۆزڵر و حەفارەیل بویچگ.
قسەکەرەگە باس پێشکەشکردن ئی ئامێرەیلە وە هێزەیل پێشمەرگە ئەوەسا توانای سەربازی و جەنگی پێشمەرگە بەرزەو کەێد.
عەمید حەیدەر داوا لە هاوپەیمان ناودەوڵەتی کرد وەردەوام بووم بە پێشکەشکردن پشتگیری و پاڵپشتی لۆجستی ئەرا پێشمەرگە.
لەلای خوەییش، عەقید تاک بۆرس گەورەی راوێژکارەیل هاوپەیمان ناودەوڵەتی لە هەرێم کوردستان وت: ئیمە و هێزەیل پێشمەرگە یەک ئامانج دیریمن ک خوەی شکستهاوردن وە دوژمنە، و ئەوەسا لە ئایندە لەی چوارچیوە وەردەوام بویمن.
هەمیش وت: هێزەیل هاوپەیمان ناودەوڵەتی ئەوەسا وەردەوام بوون لە پشتگیریکردن هێزەیل پێشمەرگە ئەرا لەناوبردن داعش، و باس ئومید خوەی کرد ک ئەو هێزەیلە لەی هاوکاری سەربازیە سوود بگرن.
