هاتووچو سلێمانی بایکۆت كار كردن
شەفق نیوز/ كارمه‌نده‌یل وەڕیەوبەرایەتی هاتووچو سلێمانی، ئمڕوو دووشەممە، راگەیانن لە وسانن دەوام ئەرا داواکردن لە مافەیل یاساییان.
کاروان محمد قسەکەر وەناو وەڕیوه‌بەرایەتیەگە، لەبان ماڵپەڕەگەی لە فەیسبووک ک ئاژانس شەفەق نیوز چەودیریی کردگە نووساد: ئەندامەیل هاتووچو ئەرک خوەیان ئەنجام نیەن تا ماف یاساییان دابین نەکریەێد.
ئەندامەیل هاتووچو سلێمانی، لە ١٦ حوزەیران، خۆپیشاندانیگ رێکخستن لەوەر دیرکەفتن مووچەیلیان، ئەویش دویای مانگردنیگ ئەرا کادرەیل کەرتە تەندروسیەگە لەوەر باوەت مووچه.
وەزارەت دارایی و ئابووری لە حکومەت هەرێم کوردستان لیست دابەشکردن مووچەی مانگ شوبات گوزەیشتە راگەیان . لەوەر کەمی داهاتە داراییەگان ک وەدەسیان کەفێد، بڕینیگ وەگورەی ٢١% لە مووچەیل، دیاری كریا، ك ئه‌ویش دویای داوەزینە گەوراگە هات ک نرخەیل نەفت وەخوەی دی، لەوەربڵاوبوین پەتای کۆرۆنا، و کەم داوایی جهانی لەبانی، و هەمیش بڕیار حکومەت فیدڕاڵی ئه‌را رەوانە نەکردن ئەو پویلە ک لەبانی رێککەفتن لە بوودجەی ساڵ گوزەیشتە، ئەرا به‌شه مووچەی فەرمانبەرەیل هەرێمەگە، ک مانگانە بایی ٤٥٣ ملیار دینارە.
