هەولێر: ئومیداریمن بەغداد وەی نزیکە بەش هەرێم کوردستان کل بکەێد

شەفەق نیوز/ حکومەت هەرێم کوردستان، ئمڕوو یەکشەممە، باس لە ئومید خوەی کرد بەشکی حکومەت فیدڕاڵی بەش هەرێم کوردستان لە بوودجەی دارایی ساڵ ٢٠٢١ رەوانە بکەێد.

جوتیار عادل قسەکەر وەناو حکومەت هەرێم کوردستان لەوەردەم پەرلەمان کوردستان لە هەولێر ئەرا رۆژنامەنووسەیل وت: دویای چەن سەردانیگ لەلایەن شاند هەرێم کوردستان لە دویاترین سەردان باس لە دوو باوەت گرنگ کریا لە داهاتەیل نەفت هەرێم کوردستان و باوەت داهاتەیل نەفت فیدڕاڵی وەشیوەی گشتی، و دیاری کرد ک باوەت داهاتەیل نەفت بەشیگە لە رێککەفتن ناوبەین هەولێر و بەغداد و چگە ئاست جیوەجیکردن.

قسەکەرەگە باس لە ئومید ئەوە کرد ک حکومەت فیدڕالی بەش هەرێم لە چوارچێوەی یاسای بوودجەی دارایی ئەرا ساڵ ٢٠٢١ کل بکەێد.