هەولێر: ئەو مناڵە ک گومان لە تویشهاتنی وە تەو خۊنبەربۊن هەس لە بەغدادەو هاتیە
شەفەق نیوز/ تەندروسی هەولێر پایتەخت هەرێم کوردستان، ئمڕوو شەممە، ئاشکرا کرد ک ئەو مناڵ کوورپە ک گومان لە تویشهاتنی وە بیماری تەو خۊنوەربۊن کریا، لە بەغداد پایتەخت عراق هاتیە.
دلۆڤان محمد وەڕێەوبەر گشتی تەندروسی هەولێر لە کۆنگرەیگ رووژنامەوانی ئاژانس شەفەق نیوز ئامادەی بوی وت: تا ئیسە هویچ تویشهاتنیگ وە تەو خۊنوەربۊن توومار نەکردیمنە، و دیاری کرد ک تویشهاتنەیلیگ دیریمن گومان لەلیان هەس نشانەیل وەشیوەی تەو خۊنوەربۊن دیرن، لەلای مناڵیگ تەمەن دوو ساڵ و نۆ مانگان هەس لە بەغدادەو هاتیە.
و دیاری کرد ک چوینکە ئەو بیمارە لەناوچەیگ هاتیە ک بیماریەگە لەناوی بڵاو بویە، ئیمە گومان کەیمن تەو خۊنبەربۊن بوود، و دووپات کرد ک ریکارەیل جیوەجی کردیمن تا ئەوەنە ئەنجامەیل وەشکینەگە دەرکەفێد.
هەمیش وت: ئەرا نواگردن تەو خۊنوەربۊن زیاتر لە یەک وەزارەت پەیوەندیدار هەس لەلیان وەزارەت تەندروسی و کشتوکاڵیە، و دیاری کرد ک ریکارەیل لەلایەن دوو وەزارەتەگە ئەرا نواگردن بیماریەگە جیوەجی کریان.
