هەولێر و قونسڵیەی ئەڵمانی هەڵمەتیگ هووشیاری لە کۆڕۆنا کەن
2021-04-06T10:40:36+00:00
شەفەق نیوز/ پارێزگای هەولێر پایتەخت هەرێم کوردستان، ئمڕوو سێشەممە، راگەیان دەسکردن وە هەڵمەتیگ هووشیارکردن هاوبەش لەناونی پارێزگار ئومێد خۆشناو و قونسڵەیەی گشتی ئەڵمانی لە هەولێر.
خۆشناو وت: بەرزەوبوین لە تووشهاتن ومردنەکان هەس، ئەراوە بایەدە گامەیل ئەرا کەمەوکردن تووشهاتنەیل بورێەن، جوور بڕین رییەگان وەگەرد ناوچەیل ناوڕاس و باشوور وڵاتەگە.
خۆشناو داوا لە هاووڵاتییەیل کرد پابەند وە ریکارە مقەیەتیەکان بوون، و ئی هەڵمەتە هووشیارکردن هاووڵاتییل لەبان وەکارهاوردن دەمامەک و پابەندی وە ریکارە مقەیەتیەکان هاناوی، و تا دەسمیەتیمان بیەن و هاوکارمان لەی هەڵمەتە بوون ک خوەی وە هاوکاری قونسڵیەی ئەڵمانییە لە هەولێر.
لەلای خوەییش، کلیمینس زمینتەر قونسڵ ئەڵمانی گشتی لە هەولێر وت: بایەدە کار لەبان مقەیەتیکردن لە ڤایرۆس کۆڕۆنا بکریەێد ک لە ساڵیگە زیاتر وەردەوامە، و دیاری کرد ک هەڵمەتەگەی ئمڕوو دابەشکرن دەمامەک و چشتەیل تەمیسکەردن لەبان کارمەن و کاسبکارەیل لە سەنتەر شار هەولێر بوی.
و دیاری کرد ک لە ساڵ گوزەیشتە بایی نزیکەی ٦٠ مەلیۆن یۆڕو هاوکاری ئەرا نواگردن ڤایڕۆس کۆڕۆنا پێشکەش عراق کردیمن و بەش هەرێم کوردستان لەوە نزیکەی ١٠ مەلیۆن یۆڕو بوی.
