هەولێر...هەرزەکاریگ لە دویای دزین ماشین باوگی لە رویداویگ گیان لە دەسدەێد
2022-07-07T12:43:41+00:00
شەفەق نیوز/ قسەکەر هاتوچو هەولێر فازل حاجی، ئمڕوو پەنجشەممە، وت: هەرزەکاریگ دویای ئەوە ماشین باوگی لە ماڵ بەێد تویش رویداویگ هاتوچوی بوود و گیان لە دەسدەێد.
فازل حاجی ئمڕوو لە بەیاننامیگ راگەیان، " ساعات 6 شەوەکی ئمڕوو لە بان ری "باسرمە هەریر قەندیل" لە نزیک فرۆکەخانەی هەریر، ماشینیگ لە جویر سەنتەرا وە خێرایی فرەیگ لە ری دەرچوود و ئەرا چەن مەتریگ فڕێد لە دویایش تویش پلیان بوود، لە ئەنجام رویداوەگە هەرزەکاریگ تەمەن 15 ساڵ گیان لە دەسدا ک رانندەی ماشینەگە بویە.
وتیش، سەرنشینیگ تەمەن 9 ساڵانیگ وە سەختی زەخمدار بوود ک هەردوگیان برا بوین و وەبی سڵای داڵگ و باوگیان ماشین لەماڵ دەراوردنە.
