هەولێر ناودیارترین نافوورەی واز کەێد دویای سێ مانگ لە بەسیان
2023-05-18T09:44:05+00:00
شەفەق نیوز/ پارێزگاری هەولێر، پایتەخت هەرێم کوردستان، ئمڕوو پەنجشەممە، پڕۆژەی نافوورەی "پارک شارک" واز کرد، ک کەفێدە وەرانوەر قەڵای دێرین، ک وەناوبانگترین نافوورەیل ناوەند شار وەخوەی گرێد.
ئومێد خۆشناو، پارێزگار هەولێر لە کۆنگرەیگ رووژنامەوانی وت: "ئی پڕۆژە وە بودجەیگ 300 ملیۆن دینار ک لەلایەن کۆمەڵەی بانکە ئەهلیەیل عراق تەرخان کریاگە، نووەو کریاگە، و لە ئمڕڕوەو ئی پارکە ها وەردەس مەردم".
خۆشناو داوا لە خەڵکەگە کرد " مقیەتی پاکی و تەمیسی ژینگەی پارکەگە بکەن دویای نووەوکردنی و وازکردنی".
لەلای خوەییش، محەمەد هەندەڵ، سەرۆک کۆمەڵەی بانکە ئەهلیەیل عراق (سەرپەرشتیکردن پڕۆژەگە)، ئەرا ئاژانس شەفەق نیوز وت: "کۆمەڵەگە لە ری سەندوق تەمکین، و وە هاوکاری حکومەت هەرێم کوردستان، نووەوکردن ئی پارکە گردە مل". ، ک ژیرخان پارکەگە لە ماوەی نەوەت رووژ جویر جارانی دیاری کریاگە دامەزریا و نووەو کریا.
هەندەڵ باس لەوەیش کرد ک "بڕیگ پلان لە بانان دیرێد ئەرا ئەو ناوچەیل هەرێم چەن پڕۆژەیگتر وەگەرد حکومەت هەرێم کوردستان تەواو بکەێد".
