هەولێر میوانداری کۆڕبەند پزیشکی کوردستان- ئوردن کەێد.. وینە
پەیامنێر ئاژانس شەفەق نیوز وت: لە یەکەم رووژ کۆڕبەندەگە وە بەشداریی سەرۆک حکومەت هەرێم کوردستان، مەسرور بارزانی، وەزیرەیل تەندروسی فیدراڵی و هەرێم لەناوی بوی، بیجگە لە وەزیر تەندروسی ئوردن و باڵیۆز ئوردن لە عراق.
وەڕێوەبەری وەبازاڕکردن لە وەڕێوەبەرایەتی گەشتوگوزاری هەولێر، سیروان تەوفیق، ک بەشداریی لە دیدارەگە کرد، ئەرا ئاژانس شەفەق نیوز وت: ئی دیدارە چەن سەنتەریگ پزیشکی و خەسەخانەی گەورەی ئوردنی گردەو کردیە، ک لەورا بوار پزیشکی ناسن و خزمەتەیلیان وە هاوڵاتیەیل لە هەرێم کوردستان و عراق، چوینکە ئوردن یەکیگە لە وڵاتە سەرکەفتگەیل لە بوار گەشتیاری پزیشکی.
وتیش: گرنگی ئی کۆڕبەندە ئەرا هەرێم کوردستان لە سوود وەرگردن لە ئەزموونەیل لایەن ئوردنی لە بوار گەشتیاری پزیشکیە".
لای خوەییش ئەیمەن عەبدولڕەحمان، بەشداربوی کۆڕبەندەگە ئەرا ئاژانس شەفەق نیوز وت: خەسەخانەیل ئوردن بەشداربوی کۆڕبەندەگە چەن هەلیگ بی وەرانوەر پێشکەش وە بیمارەیل کردنە، ئەوانیش وە درویژایی ئامادەبوینیان لە ناوچەگە لەوە وەردەوام بوون.
