هەولێر.. لەبان ٩٠ هەزار دوو کەس وە گولەی رانندەیگ زەخمدار بوون
2022-09-05T13:24:59+00:00
شەفەق نیوز/ سەرچەوەیگ لە پارێزگای هەولێر، پایتەخت هەرێم کوردستان، ئمڕوو دووشەممە، خەوەردا لە زەخمداری دوو کەس وە گولە، لە ناوچەی پیشەسازی، ناوڕاس شارەگە.
سەرچەوەگە ئەرا ئاژانس شەفەق نیوز وت: ناکۆکییگ کەفتە ناوبەین رانندەی ماشینیگ وەگەرد فیتەریگ لە ناوچەی پیشەسازی، ناوڕاس هەولێر، لەبان کرای خاسەوکردن ماشینەگە ک ٩٠ هەزار دینار عراقی بوی.
سەرچەوەگە وتیش: رانندەی ماشینەگە وە دەوانچەی خوەی تەقە لە فیتەرەگە وبراگەی لەناو دوکانەگەی کرد، ک هەردوگیان زەخمدار کرد، و بریانە خەسخانە.
سەرچەوەگە دیاری کرد ک هیزیگ ئەمنی رەسیە شوین رویداوەگە، ودەسکردە مینەکردن ئەو تاوانبارە ک وەرەو شوین نادیاریگ وای.
