هەولێر کەفێدە ئامادەباشی وە چەوەڕی واران رفتیگ
شەفەق نیوز/ ئومێد خۆشناو سەرۆک حکومەت خوەیجیی لە پارێزگای هەولێر پایتەخت هەرێم کوردستان، ئمڕوو چوارشەممە، ئامادەباشی لە پارێزگاگە راگەیان وەچەوەڕی هەر فریاکەفتنیگ وەگەرد مەزەنەی واران رفتیگ.
خۆشناو لە کۆنگرەیگ رووژنامەوانی ئاژانس شەفەق نیوز ئامادەی بوی وت: تیمەیل وەرگری شارستانی، وەڕیەوبەرایەتیەیل شارەوانی، بنکەیل تەندروسی کەفتنەسە ئامادەباشی وە چەوەڕی هەر فریاکەفتنیگ وەگەرد ئەگەر واران رفتیگ وەماوەی ئی دوو رووژە، وەگورەی مەزەنەی وەڕیەوبەرایەتی کەشناسی لە هەرێم کوردستان.
وتیش: زیاترە ١٥٠ کیلومەتر لە ئاوڕوەیل هەولێر پاکەو کریا، وتیش: ئامادەی تەگبیر ئەرا ئەو ناوچەیلە بریا ک وەرجەیە لافاو گردەیانەو.
خۆشناو لە سەرەتای ئی مانگە، رخی لە دووارەوبوین سیناریۆی لافاوەیل پارەکە نشان دا ل لەوەر ئاڵشتبوین کەشوهەوا ناوچەیلیگ لە هەولێر گردەو، و دیاری کرد ک ئەو پلانە ک ئەرا نواگیری مەترسیەیل کارەساتەیل سرووشتی وە وەختانە دانریاگە.
