هەولێر ریکارەیل وەکارهاوردن سیستەم غاز لە شوینەیل گشتی و ماڵەیل دانەێد
2023-01-15T11:57:19+00:00
شەفەق نیوز/ پارێزگای هەولێر پایتەخت هەرێم کوردستان، ئمڕوو یەکشەممە، ریکارەیل وەکارهاوردن سیستەم غاز لە شونەیل گشتی و ماڵەیل راگەیان.
پارێزگاگە لە بەیاننامەیگ رەسیە ئاژانس شەفەق نیوز وت: وەکارهاوردن سیستەم غاز تەنیا لەو شوینەیلە ری وەپی دریاگە ک وەشکین تەکنیکی وەلایەن کۆمپانیایل مووڵەتدار لەلای پارێزگاگە ئەرایان کریاگە.
وەرجەیە، پارێزگای هەولێر چەن ریکارەیل وەکارهاوردن سیستەم غاز راگەیان، ئەوەیش دویای ئەو رودایداوەیل تەقیانە ک لە سلێمانی و دهۆک بوینە هوکار کەفتن قوربانیەیلیگ.
چەن کەسیگ لە مانگ کانون یەکەم ٢٠٢٢، گیانیان لەدەسدان، و دەیان کەسیش زەخمدار بوین، وە دوو رویداو تەقیان لە پارێزگای سلێمانی و دهۆک لەوەر نزەکردن سیستەم غاز.
