هەولێر.. دەسگیرکردن پیاویگ ژنەگەی خوەی وەگولە کوشتیە
شەفەق نیوز/ وەڕێەوبەرایەتی پۆلیس هەولێر، ئمڕوو سێشەممە، کوشیان ژنیگ وەدەس شویەگەی لە یەکیگ لە گەڕەکەیل شارەگە راگەیان.
رائید هۆگر عەزیز قسەکەر پولیس هەولێر لە کۆنگرەیگ رووژنامەوانی ئاژانس شەفەق نیوز ئامادەی بوی وت: پولیس ئاگاداری لە رویداویگ کوشتن کە گەڕەک هەولێر نوو وەرگرد، و هەنای روی وە شوین رویداوەگە کریا، دەرکەفت ک خانم (فێنک حسێن باپیر) لە تەمەن ٣٨ ساڵان وە گولەی شویەگەی کوشیایە، ئەوەیش لەوەر مرافەیگ خیزانی.
وتیش: دویای لێکۆڵینەوە، هیزەیل پولیس توەنستن توومەتبار لە تاوانەگە دەسگیر بکەن وەناو (س،م،ا) و دریا دەس دەسەڵات دادوەری.
عەزیز دیاری کرد ک پولیس لە سەرەتای ئی مانگە چوار رویداو کوشتن لە پارێزگای هەولێر توومار کردیە.
رووژ یەکشەممەی گوزەشتە، ١٣ی تەشرین دویەم، پیاویگ وەگولەی کلاشینکۆف ژنەگەی خوەی لەناو ماڵەگەی لە گەڕەک کوێستان لە هەولێر کوشت، و دویای جیوەجیکردن تاوانەگە خوەییش کوشت.
