هەولێر.. دەسکریا وە پیشانگای ژینگە وە بەشداریکردن جەماوەری فراوانیگ (وینە)
شەفەق نیوز/ لە شار هەولێر پایتەخت هەرێم کوردستان، ئمڕوو یەکشەممە، دەسکریا وە پیشانگایگ تایبەت وە ژینگە وە بەشداریکردن فەرمی و جەماوەری فراوانیگ.
دەشتی منتک شرۆڤەکار لە باوت ژینگە ئەرا ئاژانس شەفەق نیوز وت: ئی پیشانگا بەشداریکردن بڕیگ لە ریخریاگ و دامەزراوەیل پەیوەندیدار وە مقیەتیکردن ژینگە گرێدەو، کە بەرهەم و ئامرازەیل تایبەت وە مقیەتیکردن ژینگە نمایش کریا، وەگەرد پیشکەشکردن ئی ئامرازەیلە وە مەکتەوەیل ئەرا بەشداریکردن لە مقیەتیکردن ژینگە.
لەلای خوەییش، محمد سلێمان نوینەر وەڕیەوبەرایەتی ئاو هەولێر ئەرا ئاژانس شەفەق نیوز وت: ئمڕوو جویر وەڕیەوبەرایەتی ئاو هەولێر بەشداریکردیمن وە نمایشکردن چەن بەرهەمیگ تایبەت وە کۆنترۆڵکردن وەکارهاوردن ئاو، و ئامانج لەی بەشداریکردنە هوشیارکردن خەڵکە لە گرنگی دابینکردن ئاو و کەمەوکردن وەکارهاوردنی.
لەلای خوەییش؛ سێوی خالد خانمە بۆشک بەشدار لە پیشانگاگە ئەرا ئاژانس شەفەق نیوز وت: لەی پیشانگا بڕیگ خزمەتگوزاری تەندروسی پیشکەش کەیمنر جویر فریاکەفتن سەرتایی و تاقیکردن خوین و شەکرە و فشار و چشتەیلیگ ترەک.
وتیش: ئیمە لەیجویر پیشانگایگ دەرفەت خاسیگ دوینیمن ئەرا پەیوەندیکردن وەرد هاوڵاتیەیل و پیشکەشکردن دەسمیەتی و رینمایی ئەرایان لە چوینیەتی وەکارهاوردن دەرمان.
