هەولێر دەسکەێدە سازدان کەرنەڤاڵ نەورۆز دۊای وساننی ئەرا چەن سالێگ
شەفەق نیوز/ پارێزگای هەولێر پایتەخت هەرێم کوردستان، ئمڕوو پەنجشەممە، راگەیان دوارە دەسکەن وە سازدان کەرنەڤاڵ (ئادار و نەوروز) دۊای وساننی ئەرا ماوەی چەن ساڵیگ لەوەر پەتای کۆرۆنا و قەێران دارایی.
ئۆمێد خۆشناو پارێزگار هەولێر لە کۆنگرەیگ رووژنامەوانی ئاژانس شەفەق نیوز ئامادەی بۊ وت، ئامادەکاریەیل ئاهەنگەیل نەوروز تەواو بۊە، رووژ جومعە لە هەولێر ساز کریەێد.
ئاشکەرا کرد، کەرنەڤاڵەگە 23 چالاکی گرێدە خوەی وە بەشداری 2500 کەس،چالاکیەیل جوراوجور هونەری گورانیچڕین و شانۆگەری و سینەما و شێوەکاری و چالاکیەیلتر گرێدەخوەی.
دیاری کرد، دەسەیگ ئەمنی گشت رێکارەیل پێویست بردنە، لەماوەی ئی رووژەیلە کۆبۊنەوەیگ ئەنجام دریاگە لەباوەت مقەیەتیکردن گیان و دارایی هاوڵاتیەیل لەماوەی کەرنڤاڵەگە، دیاریکرد لە رووژەیل نەوروز نووڕیەێد ک مەردم وەرەو سروشت کوردستان دەرچن.
