هەولێر کۆتایی وە گیچەڵ لویلەی ئاو تیارێد ک یە چەن جاریگە شکیەێد
حکومەت ناوخوەیی هەولێر لە بەیانامەیگ رەسیە ئاژانس شەفەق نیوز وت؛ مەسرور بارزانی سەرۆک حکومەت هەرێم کوردستان تەرخان پویل پرۆژەی ئاڵشتکردن کڕ لیویلەی ئیرافز سێیەم لە هەرێم کرد، و دویای ئەوە دەسکریا پرۆژەگە ک ئیسە رەسیە تەواوبوین، و وەماوەی ئی ساعەتەیل نزیکە بەسیەێدە لویلە کوینەگە تا وەیەوە کۆتایی وە گیچەڵ شکیان لویلەی ئاو بارێد.
دووپات کرد ک پڕۆژەی مقیەتیکردن لیولەگە لە زەرەد و شکیانیش رەسیە گامەیل کۆتایی، و لە ماوەی ئی ساعەتەیل نزیکە ئاگادار هاووڵاتیەیل کریەێد وە بەسیان لویلە نووەگە وە کوینەگە و وەتەواوی بەشەوکردن ئاو نووشین ئەرا بەش گەورەیگ لە دانیشتگەیل هەولێر خاسەو بوود.
لە کۆتایی ساڵ ٢٠٢٢، وەڕیەوبەرایەتی ئاو هەولێر دەسکردن وە گام یەکەمی لە ئاڵشتکردن لویلەی ئاو ئیفراز سێیەم راگەیان، دویای ئەوە ک لە ماوەیل گۆزەشتە کەفتە وەر زەرەد و شکیان.
کڕ لویلە پڕۆژەی ئاوەگە کەفێدە باکوور شار هەولێر، ز نزیکەی ٤٠ لە سەد لە ئاو نووشین گەڕەکەیل باکوور و خوەرئاوای شارەگە دەێد.
