هەولێر.. پیاویگ ژن خوەی کوشێد و تەرمەگەی لە زوڵدان شارێدەو

شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو دووشەممە، راگەیان پیاویگ لە ناحیەی شمامک ژن خوەی وە چەقو کوشتیە.   

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: کابرایگ لە ناحیەی شمامک سەروە پارێزگای هەولێر، ئمڕوو دووشەممە، وە چەن چەقویگ ژنەگەی خوەی کوشت، و تەرمەگەی لەناو حاویەی زوڵدان شاردەو. 

وتیش؛ ئێوارەی ئمڕوو، پۆلیس تەرم ژنیگ پەیا کرد، شوین چەقو لە لەشی بوی. 

بەیاننامەگە وتیش: مەفرەزەیل پۆلیس وەکوتپڕ رەسینە شوین رویداوەگە، و تەرمەگە ئەرا پەیمانگای پزشک یاسایی برد.