هەولێر ئامادەکاری ئەرا ئمساڵ وە نۆ پیشانگای ناودەوڵەتی کەێد
2023-01-16T10:05:01+00:00
شەفەق نیوز/ حەسەن سامی وەڕیەوبەر پیشانگای ناودەوڵەتی هەولێر، ئمڕوو دووشەممە، ئامادەکردن پلانیگ ئەرا سازین نۆ پیشانگا راگەیان زیاتر لە ٥٠٠ کۆمپانیا لە ٣٠ وڵات لەناوی بەشداری کەن، و دیاری کرد ک ئامانج لەوە گەشەپێدان بینا ژیرینەیل ئابووری هەرێم کوردستانە، و دووارە ئاوەدانکردن عراق.
سامی لە کۆنگرەیگ رووژنامەوانی ئاژانس شەفەق نیوز ئامادەی بوی وت: لەناو بەرنامەی وەڕیەوبەردن پیشانگای ئەمساڵ سازین نۆ پیشانگای ناودەوڵەتیە هەرلە مانگ ئادار ئایندە دەسوەپی کەێد و تا مانگ کانون یەکەم.
وتیش: لەناویان پیشانگای بیلت ئیکسبۆ هەولێرە ک پیشانگای ناودەوڵەتیە ئەرا پیشەسازی و وزە، زیاتر لە ٥٠٠ کۆمپانیا لە ٣٠ وڵات لەناوی بەشداری کەن، وەگەرد بەشداریکردن وەزارەتەیل پەیوەندیدار لە حکومەت هەرێم کوردستان و حکومەت عراق، وەگەرد زیاتر لە ٢٠٠ خاوەن کاروبار و خاوەن بەرهەمهاوردن، و لە مانگ ئایار ئایندە دەسوەپی کەێد و تا ٥ رووژ وەردەوامە.
سامی دیاری کرد ک ئامانج لەی پیشانگایلە گەشەپێدان بینا ژیرینەیل ئابووری هەرێم کوردستانە و هەمیش دووارە ئاوەدانکردن عراق.
