هەولێر ئامادەکاری کەێد ئەرا بەشەوکردن ٢٧ هەزار پارچە زەوی ئەرا فەرمانبەرەیل

شەفەق نیوز/ پارێزگای هەولێر پایتەخت هەرێم کوردستان، ئمڕوو شەممە، تەواوکردن ئامادەکاری ئەرا بەشەوکردن زیاتر لە ٢٧ هەزار پارچە زەوی ئەرا فەرمانبەرەیل راگەیان، لەناویان ١٧ شارەکانی و قەزا و ناحیە لە پارێزگاگە.

 پارێزگاگە لە بەیاننامەیگ رەسیە ئاژانس شەفەق نیوز وت: دویای بڕیار مەسروور بارزانی سەرۆک حکومەت هەرێم وە بەشەوکردن زەویەیل ئەرا فەرمانبەرەیل، و لەناو سنوور وەڕیەوبەرایەتیەیل گشتی شارەوانی لە هەولێر کە ١٧ شارەوانی و گشت قەزا و ناحیەیل لە پارێزگاگە هاناوی، زیاتر لە ٢٧ هەزار پارچە زەوی ئەرا بەشەوکردن ئامادە کریاس.

بەیاننامەگە وتیش: گامەیل خاسیگ جیوەجی کریا ئەرا بەشەوکردن ئەو پارچە زەویەیلە و ئەوەسا خاوەن کارت زانیاریەیل لە ناوچەیل دانیشتنیان، لەلی سوودمەن بوون،و چەوەڕی کریاس وەی نزیکە فۆرمەیل بڕەسن و دەسوە بەشەوکردن زەویەیل بکریەێد.