هەنگتریا راگەینێد وەردەوامیی لە هاوکاری وەگەرد کوردستان لە جەنگ دژوە تیرۆر
شەفەق نیوز/ وەزیر دەوڵەت
هەنگاریا ئەرا باوەتەیل مەسیحییەکان لە دیدار مەسعود بارزانی سەرکردەی کورد و سەرۆک پارت دیموکرات کوردستان، ئمڕوو شەممە، راگەیان؛ وڵاتەگەی شانازی وە بەشداریکردنی وەگەرد هەرێم کوردستان لە جەنگ دژوە داعش کەێد، و جەخت کرد لە وەردەوامیی لە هاوکاری و هەماهەنگی وەگەرد هەرێم.
بارەگای بارزانی لە بەیاننامەیگ رەسیە ئاژانس شەفەق نیوز وت: ئمڕوو شەوەکی، لە سەڵاحەدین هەولێر، پێشوازی لە تریستان یزیبج وەزیر دەوڵەت هەنگاریا ئەرا باوەتەیل مەسیحیەکان کرد، و ئاماژە کرد ک کۆبونەوەگە وە ئامادەبوین ئیستیفان ئامری قونسڵ گشتی هەنگاریا لە هەولێر ئەنجام دریا.
بەیاننامەگە ئاماژە کرد ک وەزیرە هەنگاریە میوانەگە راگەیان ک وڵاتەگەی سوپاس هەرێم کوردستان کەێد ئەرا دابینکردن زەمینەی گونجیاگیگ ئەرا گشت پێکهاتە ئاینی و نەتەوەیەکان ئەرا پێکەوەژیان، و دووپات کرد ک هەنگاریا شانازی وە بەشداربوینی وەگەرد هەرێم کوردستان لە جەنگ دژوە داعش کەێد.
بەیاننامەگە وتیش؛ یزیبج دووپات کرد ک وڵاتەگەی ئەوەسا لە هاوکاری و هەماهەنگی وەگەرد هەرێم کوردستان وەردەوام بوود، و باس لە سوپاس خوەی ئەرا هەرێم و گەل کوردستان کرد لە میوانیکردن سەدان ھەزار لە ئاوارەکان.
بەیاننامەگە ئاماژە کرد ک بارزانی سوپاس خوەی ئاڕاستەی حکومەت هەنگاریا کرد ک دەسمیتەدەر هەرێم کوردستان لە جەنگ دژوە داعش بوی.
