هەڵمەتیک لەبان چەک بی مووڵەت و ماشین جام سیا لە کەلار

شەفەق نیوز/ وەڕێۆبەرایەتی پۆلیس گەرمیان، هەڵمەت فراوانیگ لە قەزای کەلار جیوەجی کرد، ئەرا نواگردن و سزادان هەڵگرەیل چەک بی مووڵەت و خاوەن ماشینە جام سیایلە.

وەرپرس پەیوەندیەیل و راگەیانن لە وەڕێۆبەرایەتیەگە موقەدەم عەلی جەمال قەدوری ئەرا ئاژانس شەفەق نیوز وت: مەفرەزەیل پۆلیس گەرمیان و دەزگایل پاڵپشتی، دەسکردنە هەڵمەت فراوانیگ لە قەزای کەلار ئەرا سزادان خاوەن ماشینە جام سیایلە و قەیەغەی چەک بی مووڵەت.

وتیش؛ هەڵمەتەگە خوازێد دەسەڵات یاسا بچەسپنێد و قەیەغەی چەک بی مووڵەت فەرمی بکەێد، ئەرا بتەوکردن ئاسایش و ئارامی شارستانی وەگەرد جیوەجیکردن یاسایل هاتوچوو ک قەیەغەی ریکردن ماشینەیل جام سیایلە کەێد

وتیش؛ هەڵمەتەگە وەردەوامە و ئەنجامەیل خاسیگ وەگەرد هاوکاری خەڵکەگە وەگەرد دەزگایل پۆلیس وەدەس هاورد.