هەلەبجە وە زیاتر لە 400 ملیۆن دینار هاوکاری قوربانیەیل لافاوەگەی هەولێر کەێد
شەفەق نیوز/ دانشتگەیل هەڵەبجە لە هەرێم کوردستان، ئمڕوو پەنجشە، هەڵمەت بەخشین هاوکاری ئەرا زەرەرمەنەیل لافاوەگەی هەفتەی گوزەشتە ک هەولێر گردەو کەن.
پەیامنێر ئاژانس شەفەق نیوز وت: جۊر بەشیگ لەهەڵمەت خوەبەخشانەی مرۆڤدوسانە وەلایەن هاوولاتیەیل فرەیگ لە ناوچەیل کوردستان ئەرا پشتیوانیکردن لەبرایەیلیان ک لەوەر لافاوەگەی هەولێر زەرەردمەن بۊنە، دانیشتگەیل پارێزگای هەڵەبجە وە زیاتر لە 400 ملیۆن دینار هاوکاری هاووڵاتیەیل زەرەرمەنەیل کردن.
پەیامنێرمان، وتیش: دو رووژ وەرجە ئیسە هەڵمەتیگ خێرخوازی وەلایەن شمارەیگ لە پیاوەیل ئاینی و کەسایەتیەیلەی پارێزگای هەڵەبجەوە دەسوەپی کرد، ئمڕوو کۆتایی هات.
دیاریکرد، کەمپینەگە ئەرا گردەوکردن پۊیل بۊی ئەرا دەسمیەتیدان زەرەرمەنەیل لافاوەگەی هەولێر و تۊنستن 427 ملیۆن و 250 هەزار دینار گردەو بکەن.
باس لەوە کرد، ئەو بڕە پۊیلە ئەرا لایەنە پەیوەندیدارەیل دابین کریەێد لە دەسمیەتیدان خێزانەیلە جۊر بەرنامەیگ هاوبەش دەسمیەتیدان لە پشتیوانیکردن برایەیل ئەرا یەکتری.
لە شەفەق رووژ جومعەی گوزەشتە هەولێر لافاویگ وەخوەی دی، ک لەوەر واران فرەیگ وە چەن کۊچەی شارەگە رەدبۊی و بۊیە هووکار گیان لەدەسدان 12 کەس و وەگەرد زەرەرد مادی گەپیگ رەسییە وە موڵک هاوڵاتیەیل.
