هەفت ئەندام ئاسایش زەخمدار بۊن
2021-11-10T13:08:45+00:00
شەفەق نیوز/ لەوەر قەڵبەوبۊن ماشینەگەیان، ئمڕوو چوارشەممە، هەفت کارمەند وەڕیەوبەرایەتی ئاسایش راپەڕین زەخمدار بۊین.
وەڕیەوبەرایەتی هاتوچوو راپەڕین راگەیان؛ لە ساعەت ١:٣٠ ئمڕوو، ماشینیگ مارکەی تویوتای پیک ئاب، قەڵبەو بۊی.
وتیش؛ ماشینەگە تایبەت بۊیە وە وەڕیەوبەرایەتی ئاسایش راپەڕین، و رووداوەگە بۊیە هووکار زەخمداری هەفت ئەندام لە وەڕیەوبەرایەتی ئاسایش راپەڕین.
