هەفتەی ئایندە خوەڵوتوز نوویگ هەرێم کوردستان گرێدەو
شەفەق نیوز/ ئاراس جەبار کەشناس راگەیان، شەپوول خوەڵەگە ئمڕوو سێشەممە کەمەو بوود و وەگەردیا پلەیل گەرمی بەرزەوبوود و ئەگەر رویدان شەپوولیگ نوو خوەڵ و تووز هەس لە هەفتەی ئایندە ک ناوچە جیاوازەیل هەرێم کوردستان گرێدەو.
ئاراس لە بەیاننامیگ ئمڕوو وت، سوو چوارشەممە ئاسمان هەرێم پاکەوبوود کەمیگ ئەور هەس وەگەرد بەرزەوبوین پلەی گەرمی لە پلەیگ تا دو پلە.
دیاریکرد؛ بەرزەوبوین پلەی گەرمی لە رووژ چوارشەممەوە وردەوام بوود تا هەفتەی ئایندە، تا کەشوهەواگە کەفێدە وەر کاریگەری پارچە وای سەردیگ لە شەو شەممە لەبان یەکشەممەی ئایندە وەگەردیا پلەی گەرمی داوەزێد.
مەزەنە کرد؛ هاتێ شەپوول نوویگ لە خوەڵ و تووز جاریگتر ناوچەیلە بگرێدە وەر، کاریگەری دروسکەێد وەبان داوەزانن پلەی گەرمی تا کۆتایی مانگ لەبان کەشوهەوای ناوچەگە، ناجیگیری گەپیگ هالە بەرز و نزمی پلەیل گەرمی. .
