هەیشتا ژن رزگاربوی ئەیزیدی لە پڕۆژەیگ کشتوکاڵی لە قەزای شێخان
شەفەق نیوز/ رێکخراویگ ئیتالی و هاوکاری ئیدارەی قەزای شێخان لە خوەرهەڵات دهۆک و رێکخراوەیلیگ مەدەنی لە ناوچەی شێخان، پاڵپشتی پڕۆژەیگ کشتوکاڵی ئەرا ژمارەیگ لە ژنە ئەیزیدیەکان کرد ک لە دەس داعش رزگار بوینە.
خانمە دکتۆر هەدار سەعید سەرپەرشتیار بەرنامەگە ئەرا ئاژانس شەفەق نیوز وت: ئامانج پڕۆژەگە ئەرا پەیاکردن دەرفەتەیل کارە هەیشتا ژن ئەیزیدی رزگاربویە لە ماڵەیل کشتوکاڵی پلاستیکی، ئەرا کاڵین جووراجور شەتڵ و گوڵەیل، ئەرا فرووشتن.
هەدار خان وتیش: داهاتەیل پڕۆژەگە ئەرا قانجازی ژنە رزگاربویەکان چنەو، و هەمیش هووکارەی گوڵ و شەتڵ کاڵین و کارەیلیگ کشتوکاڵی بوون.
لەلای خوەییش، یەکیگ لە ژنە رزگاربویەکان ک لە پڕۆژەگە کار کەێد ئەرا ئاژانس شەفەق نیوز باس لە سوپاس خوەی ئەرا رێکخراوە ئیتالیەگە کرد، و داوا لە لایەنە پەیوەندیدارەکان کرد گرنگی بیەنە پڕۆژەگە، و پاڵپشتی فرووشتن بەرهەمەیلیان لە شەتڵ و گوڵەیل بکەن.
