هێزەیل زێرەڤانی کەسیگ کوشن تەقەڵای دەسدرۊژیکردن وەبان دۊتیگ دایە
شەفەق نیوز/ وەڕێەوبەرایەتی پۆلیس پارێزگای هەولێر پاێتەخت هەرێم کوردستان، ئمڕوو سێشەممە، خەوەردا ک هێزەیل زێرەڤانی پیاویگ کوشتنە تەقەلای دەسدرۊژیکردن وەبان دۊتیگ دایە لەناو ماشینەگەی لە جادەی 150 مەتری لەناوەن پارێزگاگە.
پۆلیس لە بەیاننامیگ رەسییە ئاژانس شەفەق نیوز وت، لە رووژ یەکشەممە لە بڕوار شەش مانگ ئادار لە دیارکریاگی ساعات نۆی شەو رۊداو کوشیانیگ لە جادەی 150 مەتری نزیک وەڕێەوبەرایەتی هاتوچو و بانک مەننرە رۊدایە، دۊای ئەوەگ هێزەیل پۆلیس رەسێدە شۊن رۊداوەگە دەسکەنە لێکۆڵینەوە، دەرچگە کەسیگ وە ناو( سادق عەبدولخالق جەمال) کوشیایە لەناو ماشینەگەی لە جۊر ( هۆندای ئەکسێنت).
وەگورەی بەیاننامەگە، کوشریاگە وە لایەن هاوڵاتیگ وە ناو (ئ،ئ،م) کوشیایە لە دۊای ئەوەگ ئەنجامەیل لێکۆڵینەوە سەرەتایەگاو دەرچگە کوشیاگە تەقەلای دەسدرۊژیکردنی دایە، و ئەویش داوای دەسمیەتیدان کردیە، پاسەوانەیل بانکەگە رەسنە ماشینەگە ک سەر وە هێزەیل زێرەڤانین ئەرا دەسمیەتیدان دۊتەگە باوجی رانندەگە تواستیە دەو بکەێد لەوەریە وە فیشەک دەێد لەلی بوودە هووکار گیان لەدەسدانی.
تاوانبارەیل خوەیان رادەس وەڕێەوبەرایەتی ئاسایش هەولێر کردنە، دیاریکرد بکوشەگە و دۊتەگە لێکۆڵینەوە وەگەردیان کریا وەلایەن هێزەیل پۆلیس وەگورەی بڕیار دادوەر دەسگیر کریان و لێکۆڵینەوە وەگەردیان کریەێد وەگورەی ماددەی 405 لە یاسای سزادان عراقی.
