هیزگردن ئاگر لەناو بینایگ لە ناوڕاس سلێمانی
2024-02-27T14:24:38+00:00
شەفەق نیوز/ ئاگر گەپیگ، ئمڕوو سێشەممە، لەناو یەکیگ لە بیناگان ناوەن شار سلێمانی هیزگرد وەبی ئەوەی کلەمەداربوین مرۆیی تووماربکرێد لەدویای ئەوەگ هێزەیل فریاکەفتن رەسینە قورتارکردنیان.
ئارام محەمەد قسەکەر وەڕێوەبەرایەتی وەرگیری شارستانی سلێمانی لە کۆنگریگ رووژنامەوانی کە ئاژانس شەفەق نیوز ئامادەبوی وت؛ لە ساعەت 2:56 ئاگر لەناو بینایگ هیزگرد کە کەفێدە جادەی مەلیک مەحمود لەناوڕاس شار سلێمانی.
وتیش لەدویای ئەوەگ خەوەردار کریایمن تیمیگ لە وەرگیری شارستانی رویکردیەس ئەو شوینە لەدویای ململانی وەگەرد ئاگرەگە هێزەیلمان توەنستن کۆنترۆل ئاگرەگە بکەن.
لەباوەت زەردەیلی وت: زەرەدەیل تەنیا مادی بویە لە نهۆم کۆتایی بینایەگە و کە شەش نهۆمە و هویچ کەلەمەداری مرۆیی توومارنەکریایە.
لەباوەت هووکار ئاگرەگە دووپات، تا ئیسە هووکارەگەی نادیارە تیمیگ تایوەت ئەرا لێکۆڵینەوە دروسکریاس.
