هێزیگ تورکی دوو هاووڵاتی کورد لە باکوور هەولێر دەسگیر کەێد

شەفەق نیوز/ وەچەودیەیلیگ لە هەولێر،  ئمڕوو شەممە،  خەوەردان ک هێزەیل تورکیا دوو مەدەنی کورد لە باکوور پارێزگاگە دەسگیر کردن.           

وەچەودیەیلە ئەرا ئاژانس شەفەق نیوز وتن: هێزە تورکیەگە،  ئمڕوو،  دوو هاووڵاتی کورد وەناو ئەکرەم خەليل و زەیدان نەبی لە خەڵک ئاوای دیلای سەروە  ناحیەی سیدەکان دەسگیر کرد، هەنای نزیک کەفتن ئەل یەکیگ لە کامپەیل سەربازی تورکیا لەناوچەی برادۆست لە باکوور هەولێر،  و دیاری کردن ک دەسگیرکردنەگە لە ساعەت یانزەی دۊیەشەو جومعە بۊیە.          

وەچەودیەیلە مەزەنە کرد ئەو دوو کەسە لە راوکردن شەوانە بۊینە، و هێزە تورکیەیلە هەر ماوەی جاریگ ئەو کەسەیلە دەسگیر کەن ک کەفنە نزیک کامپەیلیان ئیجا مەرقەزیان کەن، باوجی ئەو دوو کەسە هیمان گریانە.