هەرلە سەرۆک هەرێم و حکومەت هەرێم کوردستان سەرەخوەشی وە مردن نویسەر کورد ئەبوبەکر جاف کەن
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پەیامیگ سەرەخوەشی وە مردن نویسەر لورد ئەبوبەکر جاف دەرکرد.
بارزانی لە بەیاننامی سەرۆکایەتی هەرێم کوردستان ک رەسیە ئاژانس شەفەق نیوز وت" وە خەفەتیگ چاو مردن نویسەر وهویرکەر کورد ئەبوبەکر جاف وەرگردم، داوا لە خودا کەم بخەێدەی وەر دروودی و شوینی بکەێدە بەهەشت فراوان، و سەبوری بنەماڵەگەی بەێد.
مەسرور بارزانی سەرۆک حکومەت هەرێم کوردستانیش، ئمڕوو، بەیاننامیگ سەرەخوەشی وە مردن نویسەر کورد ئەبوبەکر جاف دەرکرد.
بارزانی لە بەیاننامیگ راگەیانن سەرۆکایەتی وەزیرەیل هەرێم کوردستان بڵاوی کرد وت: وە خەفەتیگ چاو مردن نویسەر کورد ئەبوبەکر جاف وەرگردم، و دیاری کرد ک رەحمەتی هەمیشە لە نویسینی وەرگری لە ماف گەل کوردستان وباوەت کورد کردیاد.
سەرۆک حکومەت هەرێم وتیش: سەرەخوەشی لە بنەماڵەی ودووسەیلی وەی کەلەمە کەم، و لە خودا داوا کەیم بخەێدەی وەر دروودی، و بەهەشت فراوانی بکەێدە ماوای، و سەبووری بنەماڵەگەی بەێد.
نویسەر کورد ئەبوبەکر جاف، دویەشەو دویای نەشتەرگەری لە بیمارییگ، دویا کووچی کرد.
