هەردوگ سەرۆک هەرێم کوردستان و حکومەتی دڵگرانن: کوچکردن سوفی زەرەد گەورایگە
شەفەق نیوز/سەرۆک هەرێم کوردستان و سەرۆک حکومەت هەرێم کوردستان پرسەو سەرەخوەشی لە کۆچکردن فرسەت سوفی پارێزگار هەولێر کردن، دویای یەک مانگ لە ململانەی وەگەرد ڤایرۆس کۆڕۆنا، ک لەناو یەکیگ لە خەسەخانەگان تورکیا گیانی لە دەسدا.
سەرۆک نێچیرڤان بارزانی، لە پەیام سەرەخوەشیی لە خیزان فرسەت سوفی پارێزگار هەولێر و لە خەڵک هەولێر و کوردستان وت: د.فرسەت سوفی مرۆییگ وەتوانا ودڵسوز بوی.
وتیش: د. فرسەت سوفی لە سەرەتایی ژیانی خاوەن دەور گرنگیگ بوی لە یەکێتی خوەنەوارەیل کوردستان، ئیجا بویە کادر پێشکەفتگ لە کار جەماوەرەی، و جوور پەرلەمانتاریگ گورج ویاسایی بەڕێزیگ خاوەن دەور فرە ئاشکرایگ بوی لە پەرلەمان کوردستان، ک تواناو و دەسپاکی و نیشتمان پەروەری و دڵسوۆی د. فرسەت کەسایەتی خوەشەویست و جەماوەری لەلی دروس کردن، ودویای وەرگردن پوست پارێزگار هەولێر وەگشت دڵسوزییگ خوەی دیادە وەردەم ئەرا چارەسەرکەردن گرفتەیل هاووڵاتییەگان، و پلان ئەرا پڕۆژەیلیگ گەورا دانیاد تا زیاتر وەشار هەولێر وگشت ناوچەیل پارێزگاگە گەشە بکەن، بەڵکم وەداخەو ک مردن دەرفەت وەپی نەیا تا زیاتر خزمەت هەولێر و کوردستان بکەێد.
لەلای خوەییش مەسرور بارزانی سەرۆک حکومەت هەرێم کوردستان وت: وگشت داخ و خەفەت قویلیگ، چاو مردن فرسەت سوفی پارێزگار هەولێر وەرگردیمن، ئەو پیاو نیشتمان پەروەر و دڵسوز و وەتوانا ک گشت ژیانی ئەرا خزمەت خاک و مەردم وەبی شەکەتی تەرخان کرد.
وتیش؛ هەنای ئەندام پەرلەمان بوی، وەگشت هێزیگی وەرگری لە چاکسازیەگە کرد، و هەمیش ئەرکەگانی لە گشت وەرپرسایەتی و پۆستەگان ک وەریان گرد وە دڵسوزی ئەنجام دیاد، وەتایبەت جوور پارێزگار هەولێر، من لە نزیکەو نووڕستمە دڵسوزیی و دەسپاکیی ئەرا خزمەت هەولێر و هەرێم کوردستان وەگشتی، ئەراوە کۆچکردنی فرە دڵگرانم کرد، و مردنی زەرەد گەورایگە ئەرا حکومەت هەرێم کوردستان.
