هەرچەن بەنداو ئەڵوەن پڕ بویە.. خانەقین هاژیر هەڕەشەی قەیران ئاو تاوسانی
2023-04-03T10:06:38+00:00
شەفەق نیوز/ وەرپرسیگ حکومەتی لە دیالە، ئمڕوو دووشەممە، ئاشکرای خوازین خانەقین ئەرا سامانەیل ئاوی زیاتر کرد، ئەرا جیوەجیکردن داوایل سەرەکی لەماوەی وەرز تاوسان ئەرا وەپشتسەرنان هەر قەیرانیگ ئاو.
ئەحمەد وەسین وەڕیەوبەر بەنداو ئەڵوەن ئەرا ئاژانس شەفەق نیوز وت: هەرچەن بەنداو ئەڵوەن لە مانگ شوبات گوزەشتە پڕ بویە، وەلێ ئاوەگەی بەش گشت خوازینەیل رووژانەی خەڵکەگە و کەرت کشتوکاڵی تا کۆتایی ئی ساڵە نیەکەێد.
دیاری کرد ک گشت ساڵیگ بەنداوەگە پڕ بوود، باوجی بەشتبەسان وە ئاوەگەی بەش جیوەجیکردن خوازینەیل ئاو وەبی سامانەیلیگ زیاتر نیەکەێد.
وەزارەت سامانەیل ئاوی لە ساڵ ٢٠١٣ بەنداو ئەڵوەن دروس کرد، ک بەنداویگ خوەڵینە وە درویژی ١٣٠٠ مەتر و توانای هەڵگردن ٣٨ مەلیۆن مەتر شەشپاڵوو دیرێد، و ئاویاری نزیکەی ٤٠ هەزار دۆنەم کەێد.
