هەرێم کوردستان نزیکەی ٦٠٠٠ شوین ئاسەواری توومار کەێد و چەوەڕی داهات ئابووری لەلیان کەێد
مەسرور بارزانی سەرۆک حکومەت هەرێم کوردستان، لە بەیاننامەیگ رەسیە ئاژانس شەفەق نیوز وت: ئاسەواری میژوویمان بەشیگەلە سامان و داهاتەیل میژووی و کەلتوری وڵاتمان.
وتیش: ئەوەسا مقیەتیکردنیان کەفنە کار سەرکیمان، و کار ئەرا بتەوکردن میکانزمەیل پەیاکردن و خاسكردن و مقەیتیکردنیان کەیمن وەگورەی پەیمانەیل ناودەوڵەتی هاوبەش، و تەقەلای وەکارهاوردن ئی ئاسەواریلە وەشیوەی فرە ئەکتیڤتر لە چین گەشتوگوزاری.
جی باسە ک دویای وەشکین ٤٠٪ لە هەرێم کوردستان، ٥٨٠٠ شوین ئاسەواری توومار کریا، و لە ساڵ ٢٠٢٢ وەتەنیا ٤١ پڕۆژەی ئاسەواری ئەرا مقیەتیکردن شوینەیل ئاسەواری و گەشەپیدانیان، و هەمیش ٢٣ شوین کەلتوری خاسەو کریا.
وەڕیەوبەر گشتی ئاسەواری و کەلتور لە وەزارەت شارەوانی و گەشتوگوزاری وت: خوەشمان تیەێد خشتەی کابینەی نوهەم حکومەت هەرێم کوردستان راگەینیمن، ک یەکیگ لە باوەتەیل ئاسەواری و کەلتور لەناوی هەس، ک ئی یەکەمین تەقەلای ئەنجومەن وەزیرەیلە فرە گرنگە.
وتیش: لەوەر قەیران دارایی، کەرت ئاسەواری هویچ بوودجەیگ نەیاشتیە، وەلێ حکومەت هەرێم کوردستان بڕیار تەرخانکردن ٩٠٠ مەلیۆن دینار ئەرا ئی کەرتە دا، ک توەنستیمن ئەو رەوش بەدە لە بینایل و سیمایل ئاسەواری خاسەو بکەیمن، ک بایەت بوی کار لەبانیان بکریەێد.
