هەرێم کوردستان ٥ مردن و ٧٢٥ تووشهاتن تۆمار کەێد و وەزیر تەندروسی بانگواز ئەرا دوو لایەن کەێد
شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو جمعە، راگەیان تۆمارکردن پەنج مردن، و ٧٢٥ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە لە هەرێم، و دووارە بانگواز خەڵکەگە وە پابەندبوین وە ریکارە مقەیەتیەکان کرد لەوەر بەرزەوبوین رێژەی تووشهاتنەکان، و داوا لە خەسەخانە تایبەتەکان کرد شوخەف زیاتر تەرخان بکەن وەتووشهاتنە سەختەکان وەربگرن، دویای زیایبوین جەختەگە لەبان خەسەخانە حکومەتیەکان.
وەزیرەگە لە کۆنگرەیگ رۆژنامەوانی هاوبەش وەگەرد ئومێد خۆشناو پارێزگار هەولێر لەمەوقەی رەسین بەش هەرێم لە واکسین ئاسترازینیکا، وت: ئی تاقەبەشەیلە وەگورەی بەرنامەی نیشتمانی رەسیە هەرێم، و ئومیدە تەکانەیلیگ تر لە ئایندە بڕەسن.
وەزیر تەندروسی هەمیش وت: ئی واکسینە ئومید پەخشێدە نا هاووڵاتییەیل و کارکەرەیل کەرت تەندروسی، و دووپات کرد ک ئەوەسا لە سەرەتایی دابەشی کریەێدە بان کادرە تەندروسیەکان و هێزە ئەمنیەکان و خاوەن بیماریە سەختەکان.
هەمیش وت: سوو دەسکیریەێدە هەڵمەت دابەشکرن واکسینەگە، و ئەمشەو دابەشی کریەێدە گشت وەڕێۆبەرایەتیەیل تەندروسی لە هەرێم کوردستان.
بەرزنجی ئاماژە کرد ک ڤایرۆسەگە وەزوی بڵاوە بوود لە هەرێم، و لەماوەی ٢٤ ساعەت گوزەیشتە ٧٢٥ تووشهاتن نوو و پەنج مردن تۆمار کردیمن، و ئومید لە هاووڵاتییان خوازیمن پابەند وە ریکارە مقەیەتیەکان بوون.
وتیش؛ دەسەی باڵای نواگردن ڤایڕۆس کۆڕۆنا لە هەفتەی ئایندە ئەرا هەڵسەنگاندن هەڵوێست تەندروسی کۆبونەوە کەێد، و ئەوەسا وەزارەتەگە راپۆرتەگەی لەی باوەتە خەێدە وەردەس، و داوا لە خەسەخانە تایبەتەکان کرد دەسمیەتی وەزارەتەگە بیەن لە دابینکردن شەوخەف ئەرا تووشهاتگەیل دویای زیایبوین جەختەگە لەبان ناوەند ودامەزراوە تەندروسیەکان ک نزیکە پڕ بوون.
و جەخت لە گرنگی ئەوە کرد ک خەڵکەکە لە شوونە قەرەباڵغەکان دویرەو بکەفن.
