هەرێم کوردستان قەیەغەی هاوردەی ماشین خوار مودێل ٢٠٢٢ کەێد
شەفەق نیوز/ نەوزاد شێخ کامل وەڕیەوبەر گشتی بازرگانی لە هەرێم کوردستان، ئمڕوو جمعە، راگەیان کە ئەوەسا قەیەغەی هاوردەی ماشین خوار مودێل ٢٠٢٢ ئەرا هەرێم کریەێد، ئەوەیش لە مانگ کانوون یەکەم ٢٠٢٤ەو دەسوەپی کەێد.
شێخ کامل لە بەیاننامەیگ رەسیە ئاژانس شەفەق نیوز وت: هاوردەکردن هەر مارکەی ماشین ٢٠٢٢ دویای کۆتایی مانگ نۆڤەمبەر ئمساڵ ری ئەرای نییە.
وتیش: هەرێم کوردستان دویای ئەو مەوقە ری ئەرا هاوردەکردن ماشینەیل مودێل ٢٠٢٥ واز کەێد، و هاوردەکردن ماشینەیل مودێل ٢٠٢٣ و ٢٠٢٤ وەردەوامە.
ئی گامە لە وەختیگ تیەێد کە هەرێم کوردستان وەناوهاتن هەزاران لە ماشینەیل کویەنە وەخوەی دوینێد، کە بەشیگیان باسی وە خوردە و کەڵکنەهاتی کریەێد، تیەنە ناو جادەیل کوردستان.
هەرێم کوردستان یە چەن ساڵیگە زیایبوین وەرچەویگ لە هاوردەکردن ماشین دەس دوو وەخوەی دوینێد، کە بەشیگیان وەگەرد پەیمانەیل نوو ئەرا بیوەیی و ژینگە نەگونجیاس.
هاتن ئی ماشینەیلە ئەرا ناو هەرێم کوردستان قەرەباڵغ هامشوو گەورەیگ دروس کرد ن پیسبوین ژینگە زیای کرد.
