هەرێم کوردستان راگەینێد ٢١ مردن و ٥٧٤ تووشهاتن نوو وەکۆڕۆنا
شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو یەکشەممە، راگەیان تۆمارکردن ٢١ مردن، و٥٧٤ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.
وەزیرەگە لە کۆنگرەیگ رۆژنامەوانی ئاژانس شەفەق نیوز ئامادەی بوی وت: لە بڕ ٥٥٤١٣ تاقیکردنەوەی نوو ٥٧٤ تووشهاتن نوو لە ماوەی ٢٤ ساعەت گوزەیشتە دیاری کردیمن، و بەرزترین تووشهاتنەگان لە پارێزگای دهۆک بوی وە ٣٣٦ کەس، وەداخەو ک پارێزگاگە بڵاوبوین زوینەیگ لە ڤایڕۆسەگە وەخوەی دوینێد.
وتیش ١٢١ تووشهاتن لە هەولێر تۆمارکریا ولە سلێمانی گەرمیان و هەڵەبجە و شوونەیلیگ تر هەمیش تووشهاتن نوو بوی.
بەرزنجی ئاماژەدا وە خاسەوبوین ٢٩٩ تووشهاتگ وەیجوورە: ٢٢١هەولێر، ٢٧ سلێمانی، ٢٦ گەرمیان، ٢٥ هەڵەبجە.
هەمیش باس خەفەتی کرد لە مردن ٢١ تووشهاتگ وەیجوورە: ٧هەولێر، ٠ سلێمانی، ٢ دهۆک، ١ راپەڕین، ١ هەڵەبجە.
وەزیرەگە ئاماژەدا ک بڕ گشتی تووشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٣٢٢١٠ تووشهاتگ، لەلیان ٢٠٤٩٢ بیمار خاسەوبوینە، وهیمان ١٠٥١١ لەلیان هانە چارەسەری، و ١٢٠٧ مردنە.
بەرزنجی داوا لە هاووڵاتیەگان هەرێم کرد پابەندبوون وە ریکارە مقەیەتیەگان، چوونکە خوەی چارەسەریە گونجیایەگەس ئەرا نواگردن بڵاوبوین ڤایڕۆسەگە.
