هەرێم کوردستان راگەینێد تۆمارکردن ٢٨ مردن وزیاتر لە ١٠٠ تووشهاتن نوو وە کۆڕۆنا
شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە، ٢٨ مردن و زیاتر لە ١٠٠٠ تۊشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە تۆمارکرد، تا بڕ تووشهاتنەگان وە پەتاگە بڕەسێدە ٧٧٠٧٩
وەزارەتەگە لەبەیاننامەیگ رەسیە ئاژانس شەفەق نیوز وت: ٦٧٤٠ تاقیکردنەوە ئانجامدا وەیجۊرە: ٢١٧٦ هەولێر، ١٤٧١ سلێمانی ، ٢٧٨٤ دهۆک، ٣٤ هەڵەبجە، ٢١٤ گەرمیان، ٦٢ راپەڕین.
وتیش؛ لەماوەی ٢٤ ساعەت گوزەیشتە ١٠٥٤ تۊشهاتن نوو تۆمارکرد وەیجۊرە بەشەەوبۊن: ٣٩٨ هەولێر، ٢٠٢ سلێمانی، ٣٨٤ دهۆک، ١٣ هەڵەبجە، ٤١ گەرمیان، ١٦ راپەڕین.
بەیاننامەگە ئاماژەدا وە خاسەوبۊن ٥٣٦ تۊشهاتگ وەیجۊرە: ١١٩ هەولێر، ٢٠ سلێمانی، ٣٥٩ دهۆک، ١٢ هەڵەبجە، ٢٦ گەرمیان، تا بڕ گشتی خاسەوبوینەگان بڕەسێدە ٤٣٣٤٥.
بەیاننامەگە هەمیش وت: ٢٨ تۊشهاتگ ئمڕوو مردن، وەیجۊرە: ٥ هەولێر، ٨ سلێمانی، ١٠ دهۆک، ١ هەڵەبجە، ٤ راپەڕین، تا بڕ گشتی مردنەگان وەپەتاگە بڕەسێدە ٢٤٨٣، وهیمان ٣١٢٥١ تووشهاتگ هانە چارەسەری .
