هەرێم کوردستان راگەیان رێکەفتن لەبان ئاڵشتکردن وەرگردن خوەنەوارەیل وەرد خوەنەواری باڵای عراق چگەسە جیوەجیکردن
شەفەق نیوز ـ هەولێر
وەزارەت خوەنەواری باڵا و لێکۆڵینەوەی زانستی هەرێم کوردستان، ئمڕوو سێشەممە، راگەیان ئەو رێککەفتنە کە لەناوەین خوەیان و وەزارەت خوێندن باڵای عراق بویە لەبان وەرگردن خوەنەوار لە زانکۆیەیل فیدڕاڵی و زانکۆیەیل هەرێم چگەس مژار جیوەجیکردن.
لە کۆنگرەی رووژنامەوانی کە ئمڕوو وەڕیوەچگ و پەیامنێر ئاژانس شەفەق نیوز ئامادەبوی، وەڕێوەبەر گشتی خوێند باڵا و ساڵنامەیل لە وەزارەتەگە خەتاب ئەحمەد وت، "لەماوەی ئمساڵ رەسمنە رێککەفتن وەرد وەزارەت خوێندن باڵا و لێکۆڵینەوەی زانستی فیدڕاڵی ئەرا ئاڵشتکردن 500 کورسی خوەنین لەناوەین زانکۆیەیل هەرێم و زانکۆیەیل ترەک عراق".
وتیش "100 کورسی خوەنەواری باڵا لە ماستەر و دکتۆرا وەرگیریەن و 400 کورسی ئەرا بڕوانامەیل بەکالۆریۆس و دبلۆم تەکنیکی، لە رووژەیل ئایندە وەرگردن ئەرایان وازکرێد".
لە سەرەتای مانگ ئایار 2025 وەزارەتەیل خوەنەواری باڵا لە حکومەت فیدڕاڵی و حکومەت هەرێم کوردستان رێککەفتن هاوبەش واژووکردن ئەرا رێکخسن میکانیزم ورگردن ئاڵشتکردن خوەنەوار لەناوەین زانکۆیەیل ناوەندی و هەرێم.
