هەرێم کوردستان.. دەسگیرکردن کەسیگ ئەندامەیل خیزانیگ بیهووش کەێد و دزی لەماڵیان کەێد
![هەرێم کوردستان.. دەسگیرکردن کەسیگ ئەندامەیل خیزانیگ بیهووش کەێد و دزی لەماڵیان کەێد](https://media.shafaq.com/media/arcella/1717490451699.jpg)
2024-06-04T08:41:01+00:00
شەفەق نیوز/ وەڕێوەبەرایەتی پۆلیس پارێزگای سلێمانی، ئمڕوو سێشەممە، خەوەردا لە دەسگیرکردن کەسیگ وە توومەت بی هووشکردن گشت ئەندامەیل خێزانیگ وە تەواوی و دزیکردن لە ماڵیان.
وەڕێوەبەرایەتیەگە ئمڕوو لە بەیاناامەیگ راگەیان، ، دویای ئەوەگ یەکیگ لە هاوڵاتیەیل داد توومارکەێد کە توومەتباریگ هاتیە وەناو ماڵیان و وە دەرمان بی هووشیان کردیە و لەدویایی بڕیگ تەڵا و ئامێریگ "ئایفۆن" دزیە، پۆلیس دەسوەجی دەسکرد وە لێکۆڵینەوە و دەسگیری کرد.
ئاشکەرایکرد لە وەخت دەسگیرکردنی دەسگیریا وەبان دەوانچەیگ و ئەو مادە دەرمانیە کە ئەرا بی هووشکردن خێزانەگە وەکاری هاوردیە.
وتیش، توومەتبار ناوی (ك، ح، أ) لەداڵگبوی 1976ە، خاوەن پێشینەی تاوانە، وەپای مادەیل 444 و15 یاسای سزادان عراقی راگیریا.