هەرێم کوردستان دەسکەێدە هەناردەکردن ئەسەڵ ئەرا دەیشت کوردستان...وینە
نوسینگەی راگەیانن حکومەت لە بەیاننامەیگ رەسیە ئاژانس شەفەق نیوز راگەیان، لە چوارچمگ وەردەوامی جیوەجیکردن بەرنامەی کار کابینەی نۆی حکومەت هەرێم کوردستان، ئەرا هەمەچەشن کردن ئابووری و پاڵپشتی کشاوەرز و قایمکردن کەرت تایبەت، دوو تەن ئەسەل کواڵێتی بەرز کوردستان، ئمڕوو چوارشەممە، لەری ئاسمانی رەسیە قەتەر.
وتیش، تا ئیسە، نزیکەی یک تەن ئەسەڵ لەناو بازار ناوخوەی هەرێم کوردستان و عراق فرووشیایە، کە لە مانگ ئایندە وردەس بوود، بوودە پاڵپشتی ئەرا ئەسەڵوانەیل.
ئەی تەقەلا وەسەرپەرشتی راستەوخوەی سەرۆک حکومەت هەرێم کوردستان مەسرور بارزانی و پاڵپشتی وەزارەت کشاوەرزی و سەرچەوەیل ئاوی و نویسینگەی سرۆک وەزیرەیل کەرت تایبەت و بەشداریکردن زیاتر لە 200 ئەسەڵوان ئەنجامدریایە، نزیکەی 100 دەرفەت کار دروسکەێد، وەپای بەیاننامەگە.
هەمیش پەیوەنی نوویگ وەگەرد فرووشیار و بازاڕەیل قەتەر و وڵاتەیل خەلیجتر و شیوەی گشتی دروسکەێد، وتیش ئەسەڵەیل هن ناوچە جیاوازەیل کوردستانن.
ئەی دەسپیشخەری کەرت تایبەتە وە هاوکاری حکومەت هەرێم کوردستان بوودە بنەمایگ ئەرا هەناردەکردن زیاتر و وازکردن دەرفەتیگ نوو بازرگانی ناوەین هەرێم کوردستان و وڵاتەیل خەلیجی.
