هەرێم کوردستان دەرمانخانەیل لەیاسا دەرچگ بەسێد
هونەر حەسەن شیروانی وەڕیەوبەر چەودیاریکردن و وەشوینکەفتن لە وەڕیەوبەرایەتیەگە، لە کۆنگرەیگ رووژنامەوانی ئاژانس شەفەق نیوز ئامادەی بوی وت: دویای گردەوکردن زانیاری و وەشوینکەفتن و هەڵسەنگاندن ئەو دەرمانەیلە لەناو دەرمانخانەی (سرواران) ک خاوەنەگەی چەن لقیگ لەلی دیرێد لە هەولێر و ئەو ناوچەیل هەرێم کوردستان، بانگەشەکار گشتی بڕیار بەسیان گشت لقەیل ئی دەرمانخانە دا.
وتیش: دەسنریا بان زیاتر لە ٤٥٠٠ چین دەرمان ساختە، چوینکە وەشیوەیگ نا یاسایی هاتنەسە ناو هەرێم کوردستان، وتیش: دەسنریا بان چینەیلیگتر ک بایەتە ئی دەرمانەیلە تەنیا لەناو خەسەخانەیل هەرێم کوردستان بوون، جویر دەرمان کۆڕۆنا و بیماری شەکرە.
دووپات کرد ک گشت لقەیل ئی دەرمانخانە تا ماوەی یەک ساڵ بەسیان، و دەسنریا بان گشت دەرمانە ساختەیل و لە شوینیگ تایبەت لەناودریان، وەگەرد ئەوەیش مووڵەت وازکردن دەرمانخانە لە خاوەنی سەنیاوە.
