هەرێم کوردستان.. ١١٥٩ تووشهاتن و ١٧ مردن وە کۆڕۆنا

شەفەق نیوز/ تاقێگە پزیشکیەکان لە هەرێم کوردستان لەماوەی دویاترین ٢٤ ساعەت، ١١٥٩ تووشهاتن نوو وە ڤایڕۆس کۆڕۆنا تۆمار کرد تا گشت ژمارەی تووشهاتنەکان بڕەسێدە ١٣٥٨١٥.

تووشهاتنە نووەکان وەیجوورە بەشەوە بوین: ١٩٧ هەولێر ٣٥٣ سلێمانی، ٥٤١ دهۆک، ٩ هەڵەبجە، ٥٩ گەرمیان، وەگورەی بەیاننامەی هەڵوێست پەتاگە لەلایەن وەزارەت تەندروسی رەسیە ئاژانس شەفەق نیوز.

وەزارەتەگە ٤٨٥ خاسەوبوین تۆمار کرد، وەیجوورە: ٨٣ هەولێر، ٨٣ سلێمانی ٢٨٤ دهۆک، ١ هەڵەبجە، ٢٦ گەرمیان، ٨ راپەڕین، تا گشت ژمارەی خاسەوبویەکان بڕەسێدە ١١٥٣٣٠.

وتیش: ١٧ بیمار وە ڤایرۆسەگە مردن، وەیجوورە: ٤ هەولێر، ٤ سلێمانی، ٩ دهۆک، تا گشت ژمارەی مردنەکان بوودە ٣٨٣١.