هەرێم کوردستان ١٦٣ تووشهاتن نوو و ٣ مردن وە کۆڕۆنا تۆمار کەێد
2020-12-25T11:51:18+00:00
شەفەق نیوز/ هەرێم کوردستان وەردەوام بوی لە داوەزین رێژەی تووشهاتنەگان و مردنەگان وە ڤایڕۆس کۆڕۆنا لەماوەی ٢٤ ساعەت گوزەیشتە.
ئەوەیش وەگورەی هەڵوێست پەتاگەی ئمڕوو جمعە، لە وەزارت تەندروسی لە هەرێم کوردستان.
وەزارەتەگە ٤٩٩٨ تاقیکردنەوەی نوو ئەنجام دا، وەیجوورە بەشەوەبوین: ١٥٥٠ هەولێر، ٦٤٢ سلێمانی، ٢٧٥٧ دهۆک، ٣٣ گەرمیان، ١٦ راپەڕین.
و ١٤٦ تووشهاتن نوو وەپەتاگە تۆمار کرد، وەیجوورە: ٣٠ هەولێر، ٣٧ سلێمانی، ٩٥ دهۆک، ١ گەرمیان، ١ راپەڕین، تا رێژەی تووشهاتنەگان لە وەخت بڵاوبوین پەتاگە لە هەرێم تا ئیسە بڕەسێدە ١٠٢٥٨١.
هەمیش ٢٧٥ تووشهاتگ لە پەتاگە خاسەوبوین، وەیجوورە: ١٣٤ هەولێر، ١٥ سلێمانی، ١٢٩ دهۆک، ١ هەڵەبجە، ٥ گەرمیان، ١ راپەڕین.
و ٣ تووشهاتگ ئمڕوو مردن، وەیجوورە: ١ سلێمانی، ١ دهۆک، ١ گەرمیان.
