هەرێم کوردستان توەنێد 6 رفیاگ لەچنگ دەس داعش ئازاد بکەێد
شەفەق نیوز/ نوسینگەی قورتارکردن رفیاگەیل ئێزیدی هەرێم کوردستان عراق، ئمڕوو چوارشەممە، راگەیان 6 رفیاگ ئێزیدی دەس داعش ک تەمەنیان لەناونی 15 - 24 ساڵە و لە هەردگ رەگەزن ئازادبکەن.
وەپای ئەو زانیارەیلە لە نوسینگەگە لە بەیاننامەیگ ئمڕوو رایگەیانیە، قوڕتارکریاگەیل بریتین لە:سەوسەن حەسەن حەیدەر لە داڵگبوی 1998، رۆزا ئەمین بەرەکات لە داڵگبوی 2002، وەفا عەلی عەباس لە داڵگبوی 2001 ، مازن جەردو خەلەف لە داڵگبوی 2007، وروسیتا حەجی باجو لە داڵگبوی ساڵ 2006، و جانی زیاد حەیدەر لە داڵگبوی 2014.
لە ٣ی ئاب ساڵ 2014 ئەندامیل رێکخریاگ داعش لە پەلامار قەزای شەنگال دان لە خوەرئاوای پارێزگای نەینەوا، لە ئەنجام بویە هووکار کوشیار شمارەیگ فرە لە ئێزدیەیل و وەگەرد ئاوارەکردن و ویرانکردن ناوچەیلیان
سەرەرای ئەوەیەش هەزاران کەسیش رفانن ک فرەتریان لە ژن و مناڵ ئێزیدی بوین، تا ئیسەش چارەنویس فرەیگیان نادیارە.
