هەرێم کوردستان بەرزترین رێژەی تووشهاتن وەکۆڕۆنا تۆمارکەێد
شەفەق نیوز/ وەزارەت تەندروسی لە هەرێم کوردستان، ئمڕوو دووشەممە، راگەیان تۆمارکردن ٢٤ مردن، و٧٨٨ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لەبەیاننامەیگ رەسیە ئاژانس شەفەق نیوز وت: ٥٠٥٠ تاقیکردنەوە ئانجامدا لە هەولێر،و سلێمانی، وگەرمیان، و دهۆک، و هەڵەبجە.
وەزارەتەگە ئاماژەدا ک ٧٨٨ تووشهاتن نوو تۆمارکرد، وەیجوورە بەشەوبوینە : ٢٨١ هەولێر، ١٠٤ سلێمانی ، ٢٤ گەرمیان، ٣٤٩ دهۆک، ٣٠ هەڵەبجە.
وتیش؛ ٤٣١ تووشهاتگ خاسەوبوین وەیجوورە بەشەەوبوین: ٢٢١هەولێر، ٣٨ سلێمانی، ٣٦ گەرمیان، ١٠٦ دهۆک، ٣٠ هەڵەبجە.
بەیاننامەگە هەمیش وت: ٢٤ تووشهاتگ ئمڕوو مردن، وەیجوورە: ٧ هەولێر، ١٢ سلێمانی، ٣ دهۆک، ١ راپەڕین، ١ هەڵەبجە.
بەیاننامەگە ئاماژەدا ک بڕ گشتی تووشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٣٢٩٩٨ تووشهاتگ، لەلیان ٢٠٩٢٣ بیمار خاسەوبوینە، وهیمان ١٠٨٤٤ لەلیان هانە چارەسەری، و ١٢٣١ مردنە.
