هەرێم کوردستان بەرزەوبوین ٢٥٪ لە تووشهاتنەیل کۆڕۆنا دەسنیشان کەێد
شەفەق نیوز/ وەزارت تەندروسی لە هەرێم کوردستان، ئمڕوو سێشەممە، راگەیان بەرزەوبوین وە رێژەی ٢٥٪ لە تووشهاتنەیل رووژانە وە ڤایڕۆس کۆڕۆنا و ژن دووگیانی لەناویان خەس تووش دەلتا هاتنە.
دکتۆر ئاسۆ حوێزی قسەکەر وەزارەتەگە لە کۆنگرەیگ رۆژنامەوانی ئاژانس شەفەق نیوز ئامادەی بوی وت: کەرتەیل تایبەت لە خەسەخانەیل دابین کریا ئەرا ژنەیل دووگیانی ئەوانەگ تووش ڤایڕۆسەگە هاتنە، چوینکە یەکیگیان وە گورەی دوو کەسە، ئەراوە بایەتە چارەسەری جیوازیگ ئەرایان بوود.
وتیش: تووشهاتن کۆڕۆنا لەلای ژنەیل دووگیانی لە ماوەی دویایین بەرزەو بوی، و لە رووژەیل گوزەیشتە ژنیگ دووگیاتی مرد تەمەنی لە ٣٥ ساڵان ئەوبان نەوی.
دکتۆر حوێزی وتیش: بەرزەوبوین تووشهاتتەیل لەناو ژنەیل دووگیانی بیمارە سەختیەیلەی ناو خەسەخانەیل زیایەو کەن، و بی گومان هەمیش مردگەیلە وەگەرد بڵاوبوین دەلتای نووەوبوی زیایەو بوون.
دەربارەی هەڵوێست پەتاگە وەشیوەی گشتی، قسەکەر وەزارەتەگە وت: تووشهاتنەیل وەگورەی تاقێگە پزشکیەیل بەرزەو بوینە، و نشانەی پەتاگە لە هەرێم کوردستان هیمان نەڕەسیەسە رەنگ سوور، باوجی فرە لەلی نزیکیمن.
هەمیش وت: ٢٥٪ لە تاقیەیلە تووشهاتن دەسنشان کەن، و ئی ئامارە فرە رخبەرە لەهەر کۆمەڵگایگ پەتاگە لەناوی بڵاو بوود.
