هەرێم کوردستان: بەرزەوبۊین شمارەی گەشتیارەیل لەی ناوچە
2022-01-13T06:41:10+00:00
شەفەق نیوز/ وەڕێەوبەرایەتی گشتی گەشتوگوزاری ئەل لە گەرمیان لە هەرێم کوردستان، ئمڕوو پەنجشەممە، راگەیان شمارەی ئەو گەشتیارەیلە ک لەماوەی ساڵ گوزەشتە ٢٠٢١ هاتنەسە ناوچەگە.
گەشتوگوزاری لە بەیاننامەیگ رەسیە ئاژانس شەفەق نیوز وت: پارەگە، زیایبۊن ٤١٠ هەزار و ٢٨٩ گەشتیار ئەرا ناوچەی گەرمیان توومار کریا.
بەیاننامەگە وتیش: ٨ هەزار و ٧٥٤ لە بڕ گەشتیارەیل بڕیار دان شەو لە ناوچەیل گەشتوگوزاری بمینن، و ٣٥٠٠ گەشتیار لەناویان لە ئیران هاتۊین، و ئەوەکان لە ناوچەیل ناوڕاس و باشوور عراق.
بەیاننامەگە وتیش: شمارەی گەشتیارەیل وە ئاست ٤٥% وە گورەی پارەکە بەرزەو بۊی.
