هەرێم کوردستان ئاسانکاری ئەرا شۊنەیل گەشتوگوزاری کەێد

شەفەق نیوز/ حکومەت هەرێم کوردستان، ئمڕوو جومعە، راگەیان ئاسانکاری کریاگە لە دانەوەی قەرزەیل کەڵەکەبۊی بان هۆتیل و چێشتخانەیل و شۊنەیل گەشتوگوزاری، ک پەیوەنی وە پیشکەشکردن خزمەتگوزاری دیرێد وەلایەن شارەوانی. 

حکومەت لە بەیاننامیگ ئمڕوو وت، " ئەرا ئاسانکاری دروسکردن ئەرا خاوەن هۆتیل و مۆتیل و چێشتخانە و قاوەخانە و شۊنەیل گەشتوگوزاری وەگشتی تۊنن قەرزەیل جەمەمبۊیەیلیان وە قیست بیەن لە هەرسێ بەش شارەوانی و ئاو و گەشتوگوزار، لەماوەی 19 رووژ".   

دیاریکرد، دۊای دەسنیشانکردن ھەر قیستیگ، هاوڵاتیەیل پابەن ئەون وە مانگانە  دان قیستەیلیان و تۊنن وە ماوەی 12 مانگ بیەنەوەی. 

وەگورەی بەیاننامەگە، ئەو هاولاتیەیلە وە یەکجار قەرزەیلیان دەن سوودمەن ئەون لە داشکاندن وە رێژەی 15 لە سەد.