هەڵەبجە: تەرخان حکومەت هەرێم ئەرا پڕۆژە خزمەتگوزارییەکان لە پارێزگاگە بەش نێکەێد
2021-03-15T09:58:32+00:00
شەفەق نیوز/ کوێستان ئەکرەم خانمە وەرپرس شارەوانی پارێزگای هەڵەبجە، ئمڕوو دووشەممە، وت: لیست ئەو پڕۆژە خزمەتگوزارییەیلە ک حکومەت هەرێم کوردستان ئەرا پارێزگاگە ک بایی ٣٠ ملیارە رەوانەی کردگە بەش گشت پڕۆژەیلی نێکەێد.
کوێستان خان لە وتاریگ ئەرا رووژنامەنووسەیل وت: لە ساڵ ٢٠٢٠ تا ئیسە هیچ پڕۆژەیگ خزمەتگوزاری لە پارێزگاگە جیوەجی نەکریاگە.
وتیش؛ لە ساڵ ٢٠١٤ هەمیش هیچ پڕۆژەیگ لە پارێزگاگە تەواو نەکریاگە، و دووپات کرد؛ ئەو پویلەیلە ک وەی دویاییە حکومەت هەرێم ئەرا پارێزگاگە تەرخانی کرد، وەگورەی بەش پارێزگاگە نییە.
