هچان جەژن رەمەزان نرخ مامر لە سلێمانی گران کەێد
داڵگ هەوراس ئەرا پەیامنێر ئاژانس شەفەق نیوز وت: نرخ مامر ئیرنگە رەسیە ٥ هەزار دینار، دویای ئەوە ک لە رووژەیل گوزەشتە رەسیە ٤٢٥٠ هەزار، و ئی بەرزەوبوینە لەی مەوقە وەگەرد ئامادەکاری ئەرا جەژن مەینتمان دەێد، چوینکە لەی ماوە داوای خانەوادە لە ئامادەکاری ئەرا جەژن زیایەو بوود.
لەلای خوەییش؛ شێخ سەنگەر خاوەن دوکان مامرە لە سلێمانی، ئەرا ئاژانس شەفەق نیوز وت: نرخ مامر ئمڕوو لەلای کێلگەی مامر وە ٤٨٠٠ دینارە، وەبی خەرج هاودرن و رەساننی و خەرج کراکار و دوکان و کرای پاکەوکردن.
وتیش: ئیسە مامر لە ناوچەی بالیسان ئەرامان رەسێد، چوینکە هن سلێمانی بەش نیەکەێد، و لەی رووژەیلە لەوەر جەژن داوا لەبانی فرەوە بویە، ک هیشت کەمەو بوود.
سەنگەر دیاری کرد ک بەرزەوبوین نرخ دان و خەرج کێلگەیل مامر هەمیش هیلێد نرخ مامر لە بازاڕەیل بچوودە بان، وتیش؛ چەودیاریکردن حکومەتی خاسیگ لەبان نرخ گشت چشتەیلیش نییە، ک ئەوەیش نرخەگە گرانەو کەێد.
