نێچيروان بارزانى: ئاسايش و دژه‌ تيرۆر هه‌وڵ تيرۆريسته‌يل پويچه‌ڵه‌و كردن

نێچيروان بارزانى: ئاسايش و دژه‌ تيرۆر هه‌وڵ تيرۆريسته‌يل پويچه‌ڵه‌و كردن
2019-07-21T10:14:07+00:00

شه‌فه‌ق نيوز/ نێچيروان بارزانى سه‌رۆك هه‌رێم كوردستان، جه‌خت له‌وه‌ كرد هيزه‌يل ئاسايش و دژه‌ تيرۆر وه‌رده‌وامن له‌ كاره‌يليان له‌وه‌ر خاتر زه‌مانه‌تكردن ئاسايش هه‌رێم كوردستان و ئاماژه‌يش وه‌ مامڵه‌كردنيان وه‌ل گيرياگه‌يل كرد له‌ ئه‌نجام په‌لاماره‌گه‌ى ئى دوياخره‌ له‌ هه‌ولێر وه‌ گووره‌ى ياسا.

 

بارزانى له‌ به‌ياننامه‌يگ وت: هيزه‌يل ئاسايش و دژه‌ تيرۆر له‌ هه‌رێم كوردستان تويه‌نستن وه‌ سه‌ركه‌فتگه‌ ئه‌نجامده‌ر سه‌ره‌كى ئه‌و كرده‌وه‌ى تيرۆريستيه‌ ده‌سگير بكه‌ن ك له‌ 17ى ته‌مووز 2019 ته‌قه‌ له‌ يه‌كيگ له‌ ئاچخانه‌يل هه‌ولێر كرياو له‌تى دبلۆماتكاريگ توركى كوشيا وه‌ل دو هاووڵاتى تر له‌ هه‌رێم كوردستان ك ئه‌وانيش له‌ئه‌نجام ئه‌و كرده‌وه‌ گيان له‌ده‌سدان.

 

بارزانى وت: سه‌ركه‌فتن هيزه‌يل ئاسايش و دژه‌ تيرۆر له‌ ئه‌نجامداين ئه‌ركه‌ سه‌ره‌كيه‌گه‌يان، ئسپات دڵسووزى ئه‌و هيزه‌يله‌ ئه‌كا له‌ كار و مقه‌يه‌تيكردن هه‌رێم كوردستان و هاووڵاتيه‌يل و ئاشكرايشه‌ دوياى ئه‌و روێداگ قه‌يزه‌وه‌نه‌ ده‌سڵاته‌يل هه‌رێم دقه‌ت له‌بان گرتن ئه‌وانه‌يش ئه‌كا ك ده‌سميه‌تده‌ر بوينه‌ له‌ى كرده‌وه‌ و ئاماژه‌ وه‌يه‌يش كرد ك ده‌سكه‌فت سه‌ركه‌فتگ هيزه‌يل ئاسايش و دژه‌ تيرۆر له‌وه‌سه‌ تويه‌نستنه‌ شكه‌ست وه‌ هه‌وڵ تيرۆريسته‌يل بارن و رێ وه‌پيان نه‌يه‌ن زه‌ره‌د وه‌ ملله‌ت كوردستان و ميوانه‌يلێ بڕه‌سنن.

Shafaq Live
Shafaq Live